Дневник / 13.02.2004
смс-војна
Генералниот спонзор на Тоше Проески "Космофон" и "Мобимак" една недела водат битка за претплатниците што треба да гласаат за изборот на песна за Евровизија преку СМС-пораки. МТВ како организатор на манифестацијата му го додели на "Космофон" ексклузивното право за собирање на финалните гласови добиени преку СМС-пораките. Дознаваме дека завчера претставници на "Космофон" побарале од "Мобимак" да ги вклучат во гласањето и нивните претплатници. Но, до договор не дошло, бидејќи од "Мобимак" инсистирале да имаат контрола врз броењето на гласовите од своите претплатници. Генералниот спонзор на Тоше Проески, "Космофон", и "Мобимак" една недела водат битка за претплатниците што треба да гласаат за изборот на песна за Евровизија преку СМС-пораки. МТВ, како организатор на манифестацијата, му го додели на "Космофон" ексклузивното право за собирањето на финалните гласови добиени преку СМС-пораки. Дознаваме дека завчера претставници на "Космофон" побарале од "Мобимак" да ги вклучат во гласањето и своите претплатници. Но, до договор не дошло, бидејќи од "Мобимак" инсистирале да имаат контрола врз броењето на гласовите од своите претплатници. Луѓето од "Космофон" сепак се надеваат дека "Мобимак" ќе ја прифати нивната понуда, бидејќи станува збор за национална манифестација. - "Космофон" прифати да биде генерален рекламен агент за националниот избор за песна на Евровизија, бидејќи има намера да ги поддржува популарните национални настани. Бидејќи победничката композиција ќе се избира од гласовите добиени од жирито, од самиот изведувач и преку СМС-пораки, МРТВ ни го додели ексклузивното право за собирање на финалните гласови преку СМС. Затоа ние му предложивме на "Мобимак" да ги вклучиме и нивните претплатници, кои ќе гласат на заеднички телефонски броеви. Но, тие одбија. Ние се уште очекуваме "Мобимак" да ја прифати нашата понуда, најдоцна до утре - вели Теофилос Вамвакос, директор за односи со јавност на "Космофон". Како што дознаваме, претставниците на "Космофон" им понудиле на "Мобимак" да се договорат и за тоа колку пари треба да чини една порака и како да се подели добивката. Се очекува "Мобимак" уште денеска да се огласи со одговор на понудата и да се постигне договор во интерес на претплатниците. Телевоутингот, односно гласањето преку телефон, непречено ќе функционира. На овој начин ќе може да гласаат сите граѓани и гледачи, независно дали користат фиксен телефон или се на една од мрежите на мобилните оператори. (С.А.Н.)